କେଉଁଟି ହେତୁବୋଧକ ଅବ୍ୟୟ ?

ସଠିକ୍ ଉତ୍ତର ହେଉଛି- ସୁତରାଂ

Key Points

• ଯେଉଁ ପଦଗୁଡିକର ରୂପରେ ବିଭକ୍ତି, ବଚନ, କାଳ, କାରକ ଓ ଲିଙ୍ଗାଦି ଭେଦ ଅନୁସାରେ କୌଣସି ପରିସ୍ଥିତିରେ ବ୍ୟୟ ଘଟେନାହିଁ । ସେହି ଅପରିବର୍ତ୍ତନଶୀଳ ପଦକୁ ଅବ୍ୟୟ କୁହାଯାଏ ।
• ଅବ୍ୟୟମୂଳକ ଶବ୍ଦ ଚାରି ପ୍ରକାର । ଯଥା- ତତ୍ସମ ବା ସଂସ୍କୃତ ଅନୁରୂପ, ତଦ୍ଭବ ବା ସଂସ୍କୃତରୁ ଜାତ, ଦେଶୀୟ ବା ଖାଣ୍ଟି ଆଞ୍ଚଳିକ ଓଡିଆ ଓ ବୈଦେଶିକ ବା ଅନ୍ୟ ଭାଷାରୁ ଆଗତ ଅବ୍ୟୟ ପଦ ।
• ସଂସ୍କୃତ ଭାଷାର ଅନୁରୂପ ଅବ୍ୟୟ ପଦ ତାହାକୁ ତତ୍ସମ ଅବ୍ୟୟ ପଦ କୁହାଯାଏ । ଯଥା- ପୁନଶ୍ଚ, ଯଦ୍ୟପି, କଦାଚିତ୍, ଅଥବା, କସ୍ମିନ୍, ଅଗତ୍ୟା, ଅୟି, ଅନ୍ୟ, ଇଷତ୍ ।
• ସଂସ୍କୃତ ଅବ୍ୟୟ ପଦରୁ ଜାତ ଓଡିଆ ଅବ୍ୟୟ ପଦକୁ ତଦ୍ଭବ ଅବ୍ୟୟ କୁହାଯାଏ । ଯଥା- ପୁଣି, କି, ବାରବାର, କିଛି, ପ୍ରାୟତଃ, ଏଣୁ ।
• ଯେଉଁ ଅବ୍ୟୟ ପଦ ଅନ୍ୟ କୌଣସି ଭାଷାରୁ ଆସିନାହିଁ ବା ତାହା ମୂଳ ଓଡିଆ ଶବ୍ଦରୁ ଜାତ ହୋଇଛି ତାହାକୁ ଦେଶଜ ଅବ୍ୟୟ ପଦ ବା ଦେଶ୍ୟ ଅବ୍ୟୟ ପଦ କୁହାଯାଏ । ଯଥା- ଆଲୋଆଲୋ, ଉଁଚୁ, ଆହୁରି, ଆଉ, ଏଇଲେ, ଏବେ, ଇଆଡୁ ଇତ୍ୟାଦି ।
• କେତେକ ଅବ୍ୟୟ ପଦ ବିଦେଶୀ ଭାଷାର ପ୍ରଭାବ ଓ ସଂସ୍ପର୍ଶ ହେତୁ ଆମ ଭାଷାରେ ପ୍ରଚଳିତ ହୋଇଆସୁଛି । ଏଗୁଡିକୁ ବୈଦେଶିକ ଅବ୍ୟୟ ପଦ କୁହାଯାଏ । ଯଥା- ଆସ୍ତେଆସ୍ତେ, ଇସ୍, ଫେରେ, ଅଲବତ, ହାଲୋ, ହାଏହାଏ, ଫୁସ୍, ରୋଜ, ହରଦମ ଇତ୍ୟାଦି ।

ଯଥାର୍ଥତା:

• ସୁତରାଂ ହେଉଛି ହେତୁବୋଧକ ଅବ୍ୟୟର ଅନ୍ତର୍ଗତ ।
• ହେତୁ ବା କାରଣ ପ୍ରକାଶ କରୁଥିବା ଅବ୍ୟୟକୁ ହେତୁବୋଧକ ବା କାରଣସୂଚକ ଅବ୍ୟୟ କୁହାଯାଏ ।
• ହେତୁବୋଧକ ଅବ୍ୟୟଗୁଡିକ ହେଉଛି-  ଏଣୁ, ତେଣୁ, ଯେଣୁ, ସୁତରାଂ, ଅତଏବ, କାହିଁକିନା ଇତ୍ୟାଦି ।
• ଯେପରିକି, କାଲି ମୋତେ ଜ୍ବର ହୋଇଥିଲା, ତେଣୁ ମୁଁ ସ୍କୁଲକୁ ଯାଉନଥିଲି ।

Additional Information

• ବାକ୍ୟରେ ଯେଉଁ ପଦର ପରିବର୍ତ୍ତନ ହୁଏନାହିଁ, ତାହା ଅବ୍ୟୟ ।
• ବ୍ୟୟ ଶବ୍ଦର ଅର୍ଥ ପରିବର୍ତ୍ତନ.। ଯାହାର ବ୍ୟୟ ନାହିଁ ତାହାହିଁ ଅବ୍ୟୟ । ଓ, କିନ୍ତୁ, ବା, ସୁଲୁସୁଲୁ ଗୋଟିଏ ଗୋଟିଏ ଅବ୍ୟୟ ପଦ ।
• ଅବ୍ୟୟପଦଗୁଡିକ ଭିନ୍ନ ଭିନ୍ନ ଅର୍ଥରେ ବ୍ୟବହୃତ ହୋଇଥାଆନ୍ତି । ତେଣୁ ସେମାନଙ୍କର ନିର୍ଦ୍ଦିଷ୍ଟ ଶ୍ରେଣୀ ବିଭାଗ କରିବା କଷ୍ଟକର ବ୍ୟାପାର ।