'आईला पाहताच बाळ खुदकन हसले'. या वाक्यातील क्रियाविशेषण वाक्याचा प्रकार ओळखा.

उत्तर- रीतिवाचक क्रियाविशेषण

क्रियाविशेषण - क्रियापदाची विशेष माहिती सांगून क्रियापदाची व्याप्ती मर्यादित करणार्‍या शब्दाला क्रियाविशेषण असे म्हणतात. 

क्रियाविशेषण अव्ययांची दोन गटात विभागणी होते.

1. अर्थावरून पडणारे प्रकार
2. स्वरूपावरून पडणारे प्रकार

अर्थावरून एकूण सहा प्रकार पडतात.

1. कालवाचक क्रियाविशेषण अव्यय
2. स्थलवाचक क्रियाविशेषण अव्यय
3. रीतिवाचक क्रियाविशेषण अव्यय
4. परिमाणवाचक क्रियाविशेषण अव्यय
5. प्रश्नार्थक क्रियाविशेषण अव्यय
6. निषेधार्थक क्रियाविशेषण अव्यय

​स्वरूपावरून एकूण दोन प्रकार पडतात.

1. सिद्ध क्रियाविशेषण अव्यय
2. साधित क्रियाविशेषण अव्यय

Important Pointsरीतिवाचक क्रियाविशेषण अव्यय - वाक्यामधील क्रिया नेमकी कशाप्रकारे घडते हे दाखवण्यासाठी वापरलेला शब्द म्हणजे रितीवाचक क्रियाविशेषण अव्यय होय.

रीतिवाचक क्रियाविशेषण अव्ययाचे तीन उपप्रकार पडतात.

1. प्रकारदर्शक - जलद, हळू, सावकाश, तेवी, जेवी, फुकट, व्यर्थ, उगीच, जसे, कसे तसे, असे, आपोआप इत्यादी​
2. अनुकरणदर्शक - सामान्यपणे ध्वनींची पुनरावृत्ती झालेली क्रियाविशेषण अव्यये या प्रकारात मोडतात. उदा. झटकन, पटकन, पटपट, चमचम, लकलक, पाहताच इ.
3. निश्चयदर्शक - खचित, खरोखर, नक्की, खुशाल, निखालस इत्यादी.